Жүсіпбек Аймауытов – қазақтың көрнекті жазушысы, драматург, публицист және қазақ әдебиетін қалыптастырушылардың бірі.

1889 жылы Павлодар облысы, Баянауыл ауданы, бұрынғы «Қызыл ту» ауылында (қазіргі Жүсіпбек Аймауытов ауылы) туған.

1917–1919 жылдары Алаш партиясына кіріп, 1919 жылы 1 желтоқсанда Семейде Кеңес өкіметі орнаған кезде, Губревком құрылған мезгілде көптеген қазақ жастарымен бірге партия мүшесі болды. 1920 жылы Қазақстан Кеңестерінің Құрылтай съезіне делегат ретінде қатысып, 1921 жылы Семей губерниялық оқу бөлімінің меңгерушісі, «Қазақ тілі» газетінің редакторы және журналистер бюросының хатшысы қызметін атқарды.

1922–1924 жылдары Қарқаралыда мектеп мұғалімі, 1924–1926 жылдары «Ақ жол» газетінде бөлім бастығы болды. Кейін Қазақ институтында қызмет атқарды (Ташкент), 1926–1929 жылдары Шымкент педагогикалық техникумының оқытушысы әрі директоры болды.