Князь Азат Әкімбек – есімі әлемге танымал коллекционер, Қазақстанның еңбек сіңірген қайраткері. 1972 жылдан бүгінгі күнге дейін оған Шығыс Түркістан, Қашғар, Хотан, Турфан, Кучар, Ақсу және басқа да қалалардың шеберлері жасаған ұйғыр халық қолданбалы өнерінің бірегей коллекциясын жинаудың сәті түсті. Ол Қазақстан аумағында, сондай-ақ басқа елдерде 74 көрме ұйымдастырып, өткізді.

Көрмеде ұйғыр суретшілерінің 70-тен астам жұмысы ұсынылған. Олардың барлығы белсенді түрде шығармашылық аренада жұмыс істейтін, есімі әлемге танымал шеберлер. Бұл – кәсіби білім алған және мойындалған суретшілер буыны, олар Алматы мен Алматы облысының тумалары. Бір сөзбен айтқанда, қалыптасқан дүниетанымы мен кең көзқарасы бар, өз шығармашылық жолынан өткен жетілген суретшілер.

Қазақстандағы ұйғыр бейнелеу өнерінің даму тарихын бірегей деп атауға болады. Ұйғыр этносы бірнеше ұрпақ бойы қазақ жерінде тұратын көптеген топты құрайды. Ұйғырлардың көркем мәдениетінің ерекшеліктері – дәстүрлі ұйғыр өнерін құрметпен және ұқыптылықпен сақтау және оны қазіргі заманғы сәндік-қолданбалы, музыкалық және би саласында дамыту. Ұйғыр ортасындағы кәсіби бейнелеу өнерінің бастауы қазақ ортасындағы Әбілхан Қастеев сияқты Әуәкри Шәмсіге (Әбубакір Шамсутдиновқа (1903–1987)) тиесілі. А. Шәмсі алдымен алыс жылдардағы драмалық оқиғаларды көркем тіркеу арқылы өз халқының тәуелсіздік пен еркіндікке деген ұмтылысын көрсетеді.

Көрермен назарына кәсіби өнерде – кескіндеме мен графикада жұмыс істеген және жұмыс істеп жүрген суретшілердің бірегей жұмыстары ұсынылған: Өзбекстан халық суретшісі, Өзбекстан Көркемөнер академиясының академигі Медат Кагаров, Канн халықаралық көрмесінің алтын медалінің иегері (Франция. 2005 ж.) Әбдікәрім Иса, Қазақстан Дизайнерлер одағының мүшесі, ҚазБАСА дизайн факультетінің профессоры Аркен Зүлпіқар, Өзбекстан халық суретшісі, Өзбекстан Көркемөнер академиясының академигі, Ресей Көркемөнер академиясының құрметті академигі Леким Ибрагимов, Қырғызстанның еңбек сіңірген мәдениет қызметкері Сәбит Бабажанов, ҚР еңбек сіңірген өнер қайраткері, Қазақстан Көркемөнер академиясының академигі Ахмет Ахат, ҚХР ШҰАР Көркемөнер академиясының президенті Керім Насирдин және т.б.

Көрме 2024 жылдың 1 мамырына дейін жалғасады.

Мекенжайы: Алматы қ., Көктем-3