Қазақ ұлттық хореография академиясында 7-10 сәуір аралығында ТМД-ға қатысушы мемлекеттердің Мемлекетаралық гуманитарлық ынтымақтастық қорының қолдауымен ұйымдастырылған жас хореографтардың халықаралық фестиваль-байқауы өтеді. Іс-шара Ұлы Отан соғысындағы Жеңістің 80 жылдығына арналады.

Байқауға Қазақстан, Ресей, Қырғызстан, Беларусь, Өзбекстан және Әзербайжаннан келген жас хореографтар қатысады. Фестивальдің негізгі мақсаттары талантты жастардың рухани және адамгершілік қасиеттерін дамыту, олардың шығармашылық әлеуетін қолдау және ашу, тәжірибе мен білім алмасу болып табылады.

Бағдарламаның мазмұнды және әртүрлі болуы күтілуде. 8 сәуірде салтанатты ашылу аясында хореография өнерінің танымал шеберлерінің шеберлік сыныптары өтеді. 9 сәуірде «Астана Балет» театрының сахнасында фестивальдің 29 қатысушысы II тур аясында өнер көрсететін байқау бағдарламасы жалғасады. 10 сәуірде салтанатты жабылу және лауреаттардың гала-концерті өтеді.

Атап өтейік, Академия 2021 жылдан бастап жас хореографтарды қолдауға бағытталған бірқатар маңызды іс-шараларды жүзеге асыруда. 2022 жылдың сәуір айында Қазақстанның көрнекті хореография өнері қайраткері Минтай Тілеубаевтың 75 жылдығына арналған байқау өтті. 2023 жылдың наурыз айында аты аңызға айналған қазақстандық балетмейстер Болат Аюхановтың шығармашылығына арналған халықаралық байқау, ал 2024 жылдың сәуір айында Заурбек Райбаевты еске алуға арналған байқау өтті. Оқиғалар кәсіби қоғамдастықта кеңінен танылды және ұлттық хореография мектебіндегі сабақтастықты нығайтуда маңызды кезең болды.