Олардың қатарында Самир Джафаров, Әлихан Самедов, Тунзаля Агаева, Әзер Зейналов, Гульяз Мамедова және басқа да жұлдыздар бар. Концерт бағдарламасына әзербайжан опералары мен оперетталарынан алынған жарқын би нөмірлері, танымал эстрадалық әндер, сондай-ақ халық композиторларының туындылары енді.

Концерт тыңдармандарды ұлттық аспаптардың көп түрлілігімен таныстырды. Әзербайжанның халық әртісі Әлихан Самедов әзербайжандық үрмелі аспап-балабандағы асқан шебер ойынымен бүкіл әлемге танымал болды. Оның орындауындағы "Sen Gelmez Oldun" («Сен келмедің») композициясы кеңінен танымал. Дәл Әлихан Самедовтың интерпретациясында ол әр елдегі әлеуметтік желі қолданушылары арасында танымал. Әнді әзербайжандық композитор Алекпер Тагиев ақын Мәдина Гюльгюннің сөзіне жазған. Автор бұл музыканы келінін еске алу үшін шығарды. Тагиев жерлеу рәсімінен қайтып келгеннен кейін бірден әуен жазды.

«Өкінішке орай, композитор өмірден өтіп кетті. Бірақ оның музыкасы өмір сүреді және әрі қарай да өмір сүре береді. Егер аспаптық музыка жақсы болса, оны жүздеген жылдар бойы тыңдауға болады. Осы композицияның арқасында мені әлемнің әр елінен біледі. Мен оны алғаш рет 25 жыл бұрын ойнадым. Қайда барсам да, бәрі оны естігісі келеді. Музыка сөзсіз болған кезде, оны қабылдау әрқашан оңай бола бермейді. Әсіресе, егер ол халық аспабында орындалса. Музыкант оны барлық эмоцияны жеткізе алатындай етіп ойнауы керек», - деді Әзербайжанның халық әртісі Әлихан Самедов.

Балабан-қос қамысты үрмелі музыкалық аспап. Ол қатты ағаш түрлерінен жасалады: тут немесе өрік ағашынан. Әзербайжандық музыка зерттеушісі Кубад Касимовтың айтуынша, Мингечаур аумағында б.з.д. I ғасырға жататын сүйектен жасалған үрмелі аспап табылды. Ол қазіргі балабанның прототипі болып саналады.

«Балабан-менің жанымның тілі. Мен әлемнің көптеген елдерінде ойнадым. Әр ұлттың адамдарының барлығы да қуана тыңдап, бұл аспапты жақсы қабылдайды. Тыңдаушылар маған балабанның дыбысы жандарының түкпіріне дейін әсер етіп, естеліктерге берілетіндерін айтады», - деді Әзербайжанның халық әртісі Әлихан Самедов.

Әзербайжаннан келген әртістер қазақстандық тыңдармандарға көптеген тосын сый дайындады. Олар Латиф Хамидидің "Қазақ вальсі" және "Беу айдай" халық әні сияқты танымал қазақстандық туындыларды орындады. Бағдарламаға екі музыкалық аспаптың - саз бен домбыраның туыстығын көрсететін нөмір де кірді.

«Мен сазда ойнаймын. Бұл біздің ұлттық әзербайжандық аспабымыз. Домбыраның бауыры деуге болады. Біз екі аспап туралы нөмір әкелдік - саз бен домбыра туралы. Идея бойынша, алдымен біз әзербайжан тілінде саз туралы ән айтамыз, содан кейін қазақ тілінде - домбыра туралы. Бұл Арсланбек Сұлтанбековтің "Домбыра" әні. Саз бен домбыра өте ұқсас, екеуі де ішекті аспаптар. Мен қазақ шығармасын алғаш рет ойнап, қазақша ән айтып тұрмын. Өте қызық. Менің ойымша, біздің халықтарымызды дәстүрлі мұраға, ұлттық музыкаға деген сүйіспеншілік біріктіреді», - деп атап өтті сазда орындаушы Самира Әлиева.

Салтанатты бағдарламадағы жарқын қорытынды аккорд Мүсілім Магомаевтың репертуарындағы әйгілі "Әзербайжан" әні болды. Ол кештің барлық қатысушыларының орындауында шырқалды. Гала-концерт Астанадағы Әзербайжан мәдениеті күндерінің аяқталуы болды. Олар әзербайжан халқы мәдениетінің керемет көп түрлілігін және оған қазақстандық аудиторияның үлкен қызығушылығын көрсетті.