Концертте көрермендер өздерінің танымал отандастарының орындауындағы опера өнерінің көп қырлы әлеміне енеді. Бағдарламада итальян операсының шедеврлері де, австриялық опереттаның романтикасы, сондай-ақ испан сарсуэласының жалынды және құмарлығы да орындалады.

«Мен туып-өскен қалам - Павлодарда концерт беруге мүмкіндік туғанына шексіз бақыттымын. Сондай-ақ «Астана Балет» театрына олардың керемет симфониялық оркестрімен бірге өнер көрсетуге тағы бір мүмкіндік бергені үшін алғыс айтқым келеді», — деп бөлісті Мария Мудряк.

Айта кетейік, 17-19 наурыз аралығында «Астана Балет» Қазақстан Республикасы Мәдениет және ақпарат министрлігінің қолдауымен Павлодар қаласында гастрольдік сапармен өнер көрсетеді. Елордалық театр көрермендерге әртүрлі жанрлар мен стильдерді біріктіретін, балет, симфониялық және опера өнерінің бірегей синергиясын жасайтын ерекше бағдарлама дайындады. Артистер Бизе-Щедриннің «Кармен-сюита» балетін ұсынады.

Екінші бөлімде жас талантты балетмейстер Айнұр Әбілғазинаның қойылымында Петр Чайковскийдің музыкасына жазылған «Триумф» бір актілі балеті көрсетіледі.