Шебер көрермендерді жады мен өткенді жаңаша түсінуге шақырады. Өз еңбектерінде суретші естеліктердің табиғатын, оларды қайта ой елегінен өткізудің күрделілігін және олардың ұрпақтан ұрпаққа қалай берілетінін зерттейді. Ол көрерменді жадының көпқырлы тұжырымдамасы туралы ойлануға итермелейді.

Суретшінің идеялары жадтың көрнекі және материалдық қырларын зерттеуге мүмкіндік беретін түрлі медиақұралдар арқылы жеткізіледі. Көрме автордың жеке тәжірибесін кең әлеуметтік контекстпен байланыстырады.

Көрмеде «Әкенің бейнесі» атты туынды ерекше орын алады. Сағыныш пен мұңға толы бұл нысан экспозиция кеңістігінде маңызды орынды иеленеді. Көрмеге арнап жазылған шығармалар қара контурларымен ерекшеленеді. Автор өз шығармашылығында реализм, натурализм, кубизм, сюрреализм, символизм, метамодернизм секілді өнер бағыттарын үздіксіз зерттейді. Осылайша, оның монументалды кенептерінде сары, қызыл, сұр және көк түстер аясында қара сызықтар арқылы пішіндер бұрмаланып бейнеленеді.

Шебер өз сюжеттері мен тақырыптары арқылы философиялық көзқарастарын білдіреді. «Өмір» атты туындысында адамның туғаннан бастап қайтыс болғанға дейінгі өмір кезеңдері бейнеленген. Мұнда болмыс заңдылықтары, уақытпен сыналған көне рәсімдер мен адамның жан дүниесінің түрлі көріністері қамтылған.

Суретші «Пайғамбарлық түс» атты картинаны графикалық стильде — сұрғылт-көк реңктермен жазған. Екі кейіпкері бар бұл композиция күрделі ракурстар арқылы берілген. Сюжет — автордың түсінде көрген қараңғы оқиғаның үзіндісі. Пайғамбарлық түстерден кейін автордың басынан өткен ауыр өмірлік жағдайлар оның жадында әлі де сақталған.