Фильмнің сюжеті Хюсейннің үйленгенін білмей, бай түрік Хюсейнмен махаббат қарым-қатынасына түсетін украин қызы Софияның тарихынан өрбиді. Хюсейннің әйелі күйеуінің опасыздығын білгенде, Софияның тағдыры өзгереді, ал оның жолында Қазақстаннан келген иммигрант Азамат пайда болады. Екі түрлі адам жат жерде кездеседі, әр түрлі ұрпақ, және бұл жер оларды біріктіреді, олар бір-біріне арналғанын түсінеді.

«София» фильмі — уақытқа, жасқа, әлеуметтік жағдайға және жерге қарамастан, бәрімізді біріктіретін эмоциялар мен қарым-қатынастарды көрсету, жанның тереңіне үңілу әрекеті.

Басты рөлдерді түркиялық актриса Яна Рай мен режиссер-қоюшы Төлепберген Байсақаловтың өзі сомдады. Фильм күзде Қазақстанда кең прокатқа шығады деп жоспарлануда.

Негізгі түсірілімдер Стамбул қаласындағы Қара теңіз жағасында өтті, фильмнің шағын бөлігі қазақ ауылында түсірілді.

«Бұл біздің фильмге ерекше атмосфера берді. Басқа елде жұмыс істеу екі команданың — түрік және қазақ командасының іс-қимылдарын келісу қажеттілігімен қиындады. Бұл тілдік кедергі және жұмысқа әртүрлі көзқарас. Түсірілім бір айға созылды, ал постпродакшнге 3 ай қажет болды», — деді қоюшы режиссер Дарья Дунич.

Фильм көрермендер мен кинематографистердің қызығушылығын тудырды. Картина продюсеріне басқа елдердің продакшендерінен бірлесіп жұмыс істеу туралы ұсыныстар түсті.

Толықтыру:

Байсақалов Төлепберген - көрермендерді көптеген кинофильмдер мен сериалдардағы рөлдерімен қуантып жүрген дарынды актер, режиссер. Режиссер ретінде дебют жасап, «Түйме» атты қысқаметражды кинолентасын түсірді.

1974 жылы 29 наурызда Қостанай облысы, Меңдіқара ауданы, Михайловка ауылында дүниеге келген. Т.Жүргенов атындағы Өнер академиясын бітірген (шебері Р.А.Машурова, 2000); ВГИК (шебері В.Хотиненко, 2010).

Кинода «Ләйланың дұғасы» фильмінде дебют жасады (Реж. С.Нарымбетов); Канн кинофестивалінде (2008) «Ерекше көзқарас» номинациясында Гран-при алған «Қызғалдақ» фильмінде басты рөлдердің бірін сомдады. Лос-Анджелестегі Asian World Film Festival-інде «От» («Огонь») фильміндегі рөлі үшін «Үздік актер» номинациясында жүлде алды.