Қазақстаннан келген жас қатысушылар: Мағжан Мыңбаев, Қанаят Айғаным, Рысқұлова Самина және Нұрлыбек Әлихан.

Ол бұған дейін де бірнеше беделді байқаулардың, соның ішінде «Astana Merey» байқауының лауреаты атанған. Қазақстаннан келген балалардың ұлттық іріктеуі мен қатысуына елордалық Астана өнер академиясының арқасында мүмкін болды.

Байқау аясында балалар мен жасөспірімдердің шығармашылығын дамытуға қосқан зор үлесі үшін білім беру саласындағы сыйлықпен, қазақстандық белгілі скрипкашы, Әлем әртісі (ЮНЕСКО), Қазақ мемлекеттік симфониялық оркестрінің көркемдік жетекшісі, Қазақстанның халық әртісі Айман Мұсақожаева марапатталды.

«Алтын дельфин» сыйлығы – халықаралық марапат, мәдениет, білім және музыкалық орындаушылықтың дамуына қосқан үлесі үшін мәдениет қайраткерлеріне беріледі.

Ақпаратқа қосымша. Айман Мұсақожаева өзінің бастамасымен құрылған және тек Қазақстанда ғана емес, одан да тыс жерлерде танымал болған «Солистер академиясы» Қазақ мемлекеттік камералық оркестрінің көркемдік жетекшісі болып табылады. «Солистер академиясы» 2019 жылы Қазақ мемлекеттік симфониялық оркестрі болып қайта құрылды, ол әлемнің ең беделді концерт алаңдарында табысты өнер көрсетіп келеді.

Кәсіби жетістіктерінің арқасында А. Мұсақожаева бірнеше ірі халықаралық скрипкашылар байқауларының қазылар алқасына енгізілді: П.Чайковский атындағы, М.Аббадо атындағы, Генуядағы Н.Паганини атындағы, сондай-ақ А.Ямпольский атындағы байқаулар.

Туған еліндегі музыкалық мәдениеттің деңгейін көтеруге ұмтылған Айман Мұсақожаева 1998 жылы Астанада Қазақ ұлттық музыка академиясын құрды, ол 2009 жылы Қазақ ұлттық өнер университеті болып қайта құрылды.

Келешегі зор жас музыканттарды үлкен сахнаға даярлау мақсатында ол халықаралық деңгейдегі ЖОО құрды. Болашақ музыканттар мен музыка саласындағы қайраткерлердің кәсіби даярлығын жақсарту мақсатында Айман Мұсақожаева Қазақ ұлттық өнер университетінде өнер саласындағы елдегі алғашқы бес сатылы білім беру жүйесін ұйымдастырды, ол студенттерге бакалавр, магистр және өнертану докторы дәрежелерін алу үшін оқуын жалғастыруға мүмкіндік береді.