Бағдарламаның басты оқиғасы Қазақстанның еңбек сіңірген қайраткері, көрнекті скрипкашы Асқар Дүйсенбаевтың өнері болмақ. Дирижерлік пультте – Қазақстанның еңбек сіңірген қайраткері Ерболат Ахмедияров.

Концерт бағдарламасына К.Вебердің «Оберон» операсына арналған Увертюрасы, Скрипка мен оркестрге арналған концерт және И.Брамстың «Гайдн тақырыбына арналған вариациялар» енгізілген. Осы кештің ерекшелігі көрермендерге оркестрді барлық қырынан көруге мүмкіндік береді. Көрермен кеңістігінің ерекше тұжырымдамасы, керемет орындаушылық және талғампаз бағдарлама шабыт пен терең эмоцияларға толы ұмытылмас атмосфераны жасайды.

Асқар Дүйсенбаев Құрманғазы атындағы АМК-ны ҚР еңбек сіңірген қайраткері, профессор А.Ақбаровтың жетекшілігімен тәмамдады. Ассистентурада ол Мәскеуде М.Копельман, Р.Давидян және В.Берлинский сияқты әлемдік классикалық сахнаның көрнекті музыканттарынан шеберлік сыныптарынан өтіп, өзінің орындаушылық шеберлігін жетілдірді. П.И.Чайковский атындағы Мәскеу мемлекеттік консерваториясының аспирантурасында Ресейдің халық әртісі, профессор В.М.Ивановтың жетекшілігімен білім алды. Өзінің шығармашылық жолында ол еліміздің жетекші филармонияларымен және оркестрлерімен ынтымақтастықта болды. Гастрольдік тізімде – Ресей, Өзбекстан, Қырғызстан, Иордания, Германия, Швейцария, Испания, Италия, Франция, Швеция, Жапония және АҚШ қалалары бар.