Спектакльдің авторлары Соль Леон мен Пол Лайтфут, Мариин театрының прима-балеринасы Диана Вишнёва және әртістер Хорхе Нозаль, Стефан Жеромски және Роджер Ван Дер Поэл студенттермен тәжірибелерімен бөлісіп, спектакльдің жасалу тарихы туралы айтып берді. Шығармашылық кешті Қазақ ұлттық хореография академиясының және "Астана Опера" театры балет труппасының көркемдік жетекшісі Алтынай Асылмұратова жүргізді.

Соль Леон

Айта кетейік, бір актілі балет арнайы Мариин театрының прима-балеринасы, Америка балет театрының этуалі (2005-2017) Диана Вишнёва үшін жасалған. Соль Леон мен Пол Лайтфут бүкіл әлемге танымал шығармашылық дуэт ретінде 35 жыл бойы Нидерландық би театрымен байланысты болды. Хореографтар мен Диана Вишнёваның алғашқы бірлескен жұмысы 2011 жылы балеринаның "Диалогтар" жеке бағдарламасы аясында олардың "Өзгеріс нысаны" қойылымын орындауымен өтті. 10 жылдан кейін Diana Vishneva Foundation бастамасымен Соль Леон мен Пол Лайтфут арнайы балерина үшін спектакль жасай бастады. Жоба әртүрлі мектептер мен стильдердің, дүниетанымдар мен тәжірибелердің бірегей суретшілерін жинады. Қойылымға Лайтфут пен Леонның NDT-да жұмыс істеу кезеңі байланысты болған әртістер шақырылды: Хорхе Нозаль, Роджер ван дер Пол, Стефан Жеромски.

Пол Лайтфут

Хореографтар мен солисттің өмірлік тәжірибесі мен жеке басынан кешкендері балеттің негізіне алынған. Нақты баяндау болмаса да, ол жалпыадамзаттық тақырыптардың айналасында өрбиді: махаббаттың әртүрлі көріністері — аналық және әкелік, ерлі-зайыптылық, өмір мен кәсіпке деген құштарлық, рухани махаббат. Есейіп, әйел және ана болатын қыздың трансформациясы. Жақын адамның өлімімен кездесу және оның біздің өмірімізді мәңгілікке қалай өзгертетіні.

"Біздің спектакль әр адамның өмірінде бастан кешіретін тақырыптар мен эмоцияларды қозғайды. Осыдан Sleza атауы шықты, ол сезімдердің жоғары дәрежесінің, терең және құпияның көрінісі ретінде. Ол көп мағыналы. Көз жасы қуаныштың да, қайғының да көрінісі, ішкі эмоция мен қатты сезімді тазарту және босату болуы мүмкін. Біздің суретші-хореографтарымыздың түсіндіруінде бір тамшы жас әлі жылау емес, бірақ босатылатын эмоция", — деп бөлісті Диана Вишнёва.

Декорациялар дизайнын Соль Леон мен Пол Лайтфут жасаған. Спектакльдегі бейнепроекциялардың тұжырымдамасын да хореографтар жасады, ал оны жүзеге асыруға режиссер Томми Паскаль жауапты. Ол Париж операсымен, NDT, Виль театрымен, Шайо ұлттық театрымен, Лион операсымен және т. б. жұмысымен танымал.

"Astana Ballet Sleza спектаклінің әлемдік премьерасы үшін тамаша алаң болып табылады. Біз заманауи өнердің көрнекті қайраткері Диана Вишневаның қорымен ынтымақтастыққа қуаныштымыз. Ballet Globe фестивалі-бүкіл әлемнен ең талантты әртістерді біріктіретін балет әлеміндегі ең беделді оқиғалардың бірі. Бұл фестиваль жыл сайын өткізіледі және әлемнің түкпір-түкпірінен өнерді бағалаушылар мен мамандардың назарын аударады", - деп атап өтті Ballet Globe фестивалінің негізін қалаушы Ерлан Андағұлов.

Премьералық кеште "Astana Ballet" театрының труппасы Қазақстанның еңбек сіңірген қайраткері Мұқарам Авахридің "Саломея" балетінің қойылымымен өнер көрсетеді.