Қазақстан Республикасының Мәдениет және ақпарат министрлігі 2026 жылдың мамыр–қараша айларында өтетін 61-ші Венеция биенналесіне Қазақстанның Ұлттық павильонын ұсыну үшін кураторлық жобаларға ашық байқау жариялады.

Биенналенің негізгі тақырыбы — In Minor Keys. Мақсаты — Қазақстанның қазіргі заманғы өнерін халықаралық деңгейде таныстыра отырып, елдің өңірлік арт-қауымдастықтарымен өзара байланыс орнататын тұжырымдамалық жағынан біртұтас жобаны іріктеу.

Қатысуға кемінде бес жыл кураторлық тәжірибесі бар қазақстандық кураторлар немесе кураторлар тобы шақырылады. Негізгі басымдық Қазақстанда тұратын және ел ішінде жұмыс істейтін мамандарға беріледі.

Қатысу талаптары: кураторлық тәсілдердің әртүрлілігін және көркемдік ойдың түрлі формаларын аша алатын жобалар қабылданады. Өтінімдер Венеция биенналесіне арнайы әзірленген жаңа идеяларды, кәсіби ортада мойындалған бұрын іске асырылған жобаларды, сондай-ақ қолданыстағы экспозицияларды жаңғырту немесе қайта пайымдау бастамаларын қамтуы мүмкін.

Ерекше назар Қазақстан өңірлеріндегі арт-қауымдастықтармен устойчивый диалог орнатуға, жергілікті суретшілер мен зерттеушілерді тартуға бағытталған жобаларға аударылады. Бұл қазіргі заманғы өнер елдің көпдауысты мәдени бейнесінің тірі көрінісіне айналатын ортақ мәдени кеңістік құруға мүмкіндік береді.

Қазақстан Республикасының Ұлттық павильоны Венецияның «Музейлік миль» (Museum Mile) деп аталатын мәдени маршруттың өзегінде орналасады. Бұл стратегиялық аймақ қаладағы жетекші көркемсурет институттарын біріктіріп, жобаға халықаралық назарды арттырады.

Павильонның жалпы ауданы шамамен 250 шаршы метрді құрайды, оның ішінде ашық кеңістікте ірі инсталляциялар, перформанстар және арт-нысандарды жүзеге асыруға мүмкіндік беретін ішкі аула (Courtyard) да бар. Палаццоның архитектуралық кеңістігі жай көрме алаңы емес, Қазақстанның жаһандық мәдени диалогқа қосқан үлесін айшықтайтын көркемдік ойдың контексті ретінде қарастырылады.

61-ші Венеция биенналесі 2026 жылдың 9 мамыры мен 22 қарашасы аралығында өтеді. Алдын ала ашылуы 6–8 мамыр күндері жоспарланған.

Өтінімдерді тапсыру үшін: әр өтінім біртұтас PDF-файл (көлемі 100 МБ-қа дейін) түрінде ұсынылуы және жобаның тұжырымдамасын, мазмұнын және іске асыру жоспарын толық ашатын құжаттар топтамасын қамтуы тиіс.

Өтінім құрамына кіреді:

• Қазақстан Республикасының Ұлттық павильоны үшін арнайы әзірленген жобаның атауы;
• 61-ші Венеция биенналесінің «In Minor Keys» тақырыбына авторлық интерпретацияны, жобаның өзектілігі мен маңызын ашатын 1500–2000 сөздік кураторлық тұжырымдама;
• Техникалық және қаржылық спецификация:
• • іске асырудың егжей-тегжейлі жоспары (2 бетке дейін),
  • техникалық талаптар мен ықтимал продакшн-тәуекелдер сипаттамасы (1 бетке дейін),
  • алдын ала нақтылаған бюджет (1 бетке дейін);
• Жоба қатысушылары туралы мәлімет — суретшілер, зерттеушілер және авторлар тізімі (кемінде бес қатысушы);
• Куратор(лар) мен жобаның портфолиосы (10 бетке дейін);
• Куратор(лар)дың CV (әрқайсысына 2 бетке дейін);
• Командадағы рөлдер мен жауапкершілікті ашатын мотивациялық хат;
• Кураторлар, суретшілер және іске асырылған жобалар туралы жарияланымдар топтамасы (1 бетке дейін).

Өтінімдер қазақ немесе орыс тілінде қабылданады.

Қосымша материалдар (презентациялар, фотосуреттер, бейнематериалдар және т.б.) Google Drive-қа жүктеліп, жалпыға қолжетімді «оқу» режимінде ұсынылуы тиіс.

Бұл тәсіл сараптамалық комиссияға жоба тұжырымдамасын, кәсіби деңгейін және әлеуетін кешенді бағалауға мүмкіндік береді.

Өтінімдерді бағалау критерийлері:

• Тұжырымдамалық тұтастық және тақырыпты авторлық пайымдау — жобаның «In Minor Keys» идеясына қаншалықты сәйкес келетіні;
• Халықаралық контекстегі өзектілік — жаһандық көркемдік дискурсқа кірігу әлеуеті;
• Іске асыру — продакшн, бюджет, логистика және мерзімдердің дәлдігі;
• Өңірлерді тарту — аймақтық өнер тәжірибелерін біріктіру дәрежесі;
• Этикалық және тұрақты тәсіл — инклюзивтілік, экологиялылық, әлеуметтік жауапкершілік;
• Кураторлардың кәсіби деңгейі — портфолио сапасы және зерттеушілік кемелділік;
• Халықаралық тәжірибе — шетелде іске асырылған кураторлық немесе көркем жобалар.

Мұндай тәсіл таңдау үдерісінің ашықтығын және объективтілігін қамтамасыз етеді.

Іріктеу екі кезеңнен тұрады:

1. Алдын ала қарау және 3–5 жобадан тұратын шорт-лист құру;
2. Финалистермен онлайн немесе офлайн сұхбат.

Сұхбат нәтижелері бойынша жеңімпаз анықталады.

Бюджетке қойылатын талаптар:

• бар шығындардың шынайы және ашық көрсетілуі;
• серіктестер мен демеушілердің үлестерін нақты көрсету;
• жергілікті мердігерлерді тартуға және экологиялық продакшн тәсілдеріне басымдық беру.

Сметада бөлек көрсетілуі тиіс:

• көркем өндіріс пен материалдарға шығындар;
• Қазақстан ішіндегі және Венецияға дейінгі логистика;
• жабдықты жалға алу және техникалық сүйемелдеу;
• экспозицияны орнату және продакшн қолдау;
• форс-мажор және сақтандыру шығындары.

Міндетті кәсіби және құқықтық нормалар:

• авторлық құқықтарды сақтау және қатысушыларды дұрыс көрсету;
• экспозицияның қауіпсіздігі мен қолжетімділігін қамтамасыз ету;
• арт-нысандарды көрсету және тасымалдау бойынша халықаралық нормаларды сақтау;
• ҚР заңнамасын және Венеция биенналесінің талаптарын орындау.

Өтінімдерді қабылдау мерзімі:

• Конкурс жарияланған күннен бастап 1 ай ішінде;
• Өтінімдерді қабылдау аяқталуы: 2025 жылғы 9 желтоқсан;
• Нәтижелерді жариялау: 2026 жылғы 5 қаңтар.

Өзекті ақпарат ресми ресурстарда жарияланады.

Барлық сұрақтар бойынша: Қазақстан Республикасының Ұлттық павильонының ұйымдастыру комитеті
61-ші Венеция биенналесі
📧 info@kazakhstanpavilion2024.kz