Ауқымды шараны «Бізге дәрігер керек» фильмі ашады – отбасылық картина, ол нәзік әзілге, терең сезімдерге және өмірлік философияға толы.

Сюжет орталығында – 70 жылдық мерейтойын тойлайтын дәрігер Николай Анатольевич Грачев. Оның әріптестері, пациенттері мен аурухана басшылығы оған жылы және шынайы мереке дайындауда. Алайда сыртқы салтанаттың астарында адамдар арасындағы қарым-қатынас, моральдық сын-қатерлер және өмірлік сабақтар туралы күрделі шындық жатыр. Оқиғалар күтпеген жерден өрбиді, бұл көрерменге медициналық ұжымның өміріне еніп, олармен күрделі, бірақ шынайы сәттерді бастан кешіруге мүмкіндік береді.

«Бізге дәрігер керек» – бұл жай ғана дәрігердің тарихы емес. Бұл күн сайын өмірді құтқаратын, дилеммаларға тап болатын және өзгерістерге толы әлемде өз қағидаларына адал болуға тырысатын адамдар туралы фильм. Мұнда әркім өзіне жақын нәрсені табады: мейірімділік, ауырсыну, үміт және, әрине, адам рухының күшіне сену.

«Ескі классиканың атауынан шабыттандырылған музыкалық комедия. Бұл Бродвей стиліндегі мюзикл, өйткені бізде жай ғана әндер емес, әндер сюжетті әрі қарай жылжытады. Онда әрбір әннің мағынасы бар және тарихты ілгерілетеді. Қазақстанда мен мұндай фильмдерді әлі көрген жоқпын», - деді фильмнің режиссері Равиль Трумов.

Фильм – қазақстандық кинематография шеберлерінің жұмысының нәтижесі. Сценарий авторлары: Асқар Бисембин, Сәкен Тоқтағұлов, Мейірман Әбдірайымов, Равиль Трумов. Режиссер-қоюшылар: Равиль Трумов, Асқар Бисембин. Операторлар-қоюшылар: Евгений Махметов, Қазбек Әмержанов. Қоюшы-суретші: Рустам Мусаев. Композитор: Алексей Маклай. Продюсер: Олжас Тартаев. Креативті продюсер: Асқар Бисембин

Экранда талантты актерлер сомдаған кейіпкерлер жанданады. Шәріп Серік, Карина Кудекова, Қарақат Башанова және басқа да әртістер өз кейіпкерлерін шынайылық пен көп қырлылыққа толтырды.

Фестивальдің құрылтайшысы және ұйымдастырушысы дәстүрлі түрде ҚР Мәдениет және ақпарат министрлігі болып табылады. Кинофестивальді тікелей ұйымдастыру Шәкен Айманов атындағы «Қазақфильм» ұлттық киностудиясына жүктелді.

Бас серіктес: Bazis-A халықаралық құрылыс компаниясы.

Демеушілер мен серіктестер: KAZ Minerals тобы, Sarens Kazakhstan, Eurasian Resources Group (ERG), Salem Entertainment, Kinopark Theatres кинотеатрлар желісі, Astana Motors, «Қазақтелеком» АҚ, A-Event KZ.

Ақпараттық серіктестер: «Хабар» АҚ, Qazaqstan телеарнасы, «НТК» телеарнасы, «Еуропа плюс Қазақстан», «Эльдорадио», Qazaq Gazetteri, Egemen Qazaqstan, «Казахстанская правда», «Антенна Казахстан», «Новое поколение», ORDA, «Казинформ» ХАА, Arbat Media, El.kz, Baq.kz, BaigeNews.