Отбасылық шығармашылық тандем – «Жұлдызды гид» музейге келушілерге «Астана»залындағы тәуелсіз Қазақстанның астанасы ретінде қаланың пайда болуы, қалыптасуы мен даму тарихын бейнелейтін маңызды нормативтік-құқықтық актілер, экспонаттар, фотоқұжаттық материалдар жинағы туралы айтып берді.

Опера дивасы Нұржамал Үсенбаеваның айтуынша экскурсовод рөлі ол үшін ерекше, бірақ қызықты тәжірибе болды.

Айта кетейік, танымал «Жұлдызды гид» жобасы аясында Төлеген Мұхамеджанов пен Нұржамал Үсенбаева марапаттар, ордендер, шығармашылық костюмдер, сондай-ақ әндер жинағын қамтитын өздерінің жеке заттарының көрмесін ұсынды. Экспозициялар Ұлттық музей қорына берілді.Ұлттық музейде «Жұлдызды гид» жобасы 2015 жылдан бастап жүзеге асырылуда.