«Бұл менің мерейтойым болғандықтан, маған спектакльді өзіме таңдау ұсынылды. Таңдауға ұзақ уаққыт кетті. Менің ойымша, пьеса өте терең, адамгершілігі жоғары. Ең күрделі кейіпкерлер мен драмаға толы желісі бар шығарма біздің театрға дәл қазір өте қажет нәрсе. Менің кейіпкерім – көп жылдар бойы махаббатын іздеген тағдыры қиын әйел. Ол махаббатын табады, өмір бойы аялап өтеді, ол үшін күреседі, нәтижесінде ол бәріне қол жеткізеді: күйеуі де, балалары да жанында болады, шын бақытқа кенеледі», - деді Наталья Ивановна. 

Наталья Ивановна С. В. Рахманинов атындағы Тамбов музыкалық училищесін вокал сыныбы бойынша бітірген, содан кейін Мәскеуде А. В. Луначарский атындағы ГИТИС-те білімін шыңдады. Шығармашылық мансабы 1979 жылы Фрунзе қаласында (Бішкек) Н. К. Крупская атындағы мемлекеттік академиялық орыс драма театрында басталды, онда ол аңызға айналған В. Б. Пазидің басшылығымен жиырма бес жыл жұмыс істеді. М.Горький атындағы Мемлекеттік академиялық орыс драма театрының труппасына Наталья Матвеева 2003 жылы қабылданды.

«Горький театры мен үшін өте қымбат. Бұл менің үйім, отбасым және махаббатым. Бұл менің мақсатым шығар. Мен мұнда өте қызықты театр өмірін өткіздім. Мұнда мен сүйікті кейіпкерлеріммен, Чеховтың «Иванов» қойылымында Саррамен, Гогольдің «Ревизорындағы» Анна Андреевнамен, «Кречинскийдің үйлену тойында» Анна Атуевамен кездестім. Мұнда мен «Тартюфта» Эльмираны сомдадым. Рөлдер үлкен және кішкентай, эпизодтық, бірақ олардың барлығы менің сүйікті рольдерім және олардың барлығы осы театрда жасалды. Біздің актерлер керемет, бізде талантты жастар бар. Біздің курстан жаңа актерлер келеді - менің және Сергей Федоровичтің шәкірттері қатарымды толтырып тұрады. (Ескер. ҚазҰӨУ түлектері). Студенттерімізді, түлектерімізді қабылдау арқылы бізге осындай құрмет көрсеткен театрыма шексіз ризамын. Мен театрды жақсы көремін, өркендей берсін», - деді Наталья Матвеева.

Наталья Ивановнаның мерейтойына арналған спектакльді Ресейден келген режиссер Филимонов Михаил Евгеньевич қойды. Сергей мен Наталья Матвееваны 70-ші жылдары Н. К. Крупская атындағы Мемлекеттік академиялық орыс драма театрында басталған араларындағы байырғы достық байланыстырады. 

«Михаил Евгеньевичпен бұрыннан таныспыз, 1979 жылы Сергей Федоровичпен бірге Фрунзеге келгенде таныстық. Сол жерде мен Михаил Евгеньевич пен оның әйелімен кездестім - театрға терең берілген жарқын, әдемі адамдардың таңғажайып отбасы. Театрға деген үлкен және таза сүйіспеншілікпен олар оған өмір бойы қызмет етеді, оған табынады. Михаил Евгеньевичпен біз спектакльдерде серіктес ретінде көп кездестік. Тіпті біз бірге болған ертегі есімде. Ол қоңызды ойнады, мен Дюймовочкамын. Содан ол Мәскеуде режиссер ретінде оқып келгеннен кейін мен оның спектакльдерінде ойнадым. Оның алғашқы қойылымдары есімде. Оның өте жарқын қойылымдары болды, олардың бірі - менің өмір бойы есімнен кетпейтін «Калигула». Ол соншалықты керемет ойлап табылған, спектакль бірінші минуттан-ақ көрерменді жаулап алды және оларды соңғы минуттарға дейін ұстап тұрды. Жалпы, Михаил Евгеньевич керемет режиссер, фантазер. Мен өте жақсы көретін керемет таза адам», - деді Наталья Ивановна.

Филимонов Михаил Евгеньевич 40-тан астам спектакль қойды, олардың арасында «Копенгагендегі кеш», «Калигула», «Мүйізтұмсықтар», «Махаббат пен өлім туралы романс», «Ақылға сыйымсыз комедия» және басқалары бар. Барлық қойылымдар өзіне тән музыкалық-пластикалық шешімімен ерекшеленеді. Филимоновтың «Қыстағы Арыстан» пьесасы (Дж. Голдман) 1996 жылы Ресей радиосында ең жақсы спектакльдердің қатарына қосылды, федералды арналарда бірнеше рет эфирге шыққан. Михаил Евгеньевичтің есімі 1986 жылы Қырғыз КСР Еңбек Даңқы кітабына енгізілді. 

Менің өмірімде көптеген түрлі театрлар болды. Кейбіреуін басқардым, кейбіреуіне спектакль қоюға шақырды. Қазақстан астанасында мен кең, зиялы жаны бар жақсы орыс театрымен таныстым. Бұл рас, өйткені мен өзім ең алдымен интеллектуалды және шығармашылық ұжымның жанкүйерімін. Және, әсіресе басшылық. Жақсы ұжым. Олар өздері айтқандай «бес жылдық шөлде адасқаннан кейін» қалпына келген. (Ескер. Театр ғимараты қалпына келтірілді). Осы сынақтан кейін жаңа өмірге аяқ басқан ұжым барлық көңіл мен құрметке лайық деп санаймын», - деп атап өтті Михаил Евгеньевич. 

1946 жылы италиялық драматург Эдуардо де Филиппо «Филумена Мартурано» пьесасын жазады.  Басты кейіпкерлер Филумена Мартурано мен Доминико Сориано 30 жыл бірге болса да үйленбеген. Доминико неке туралы естігісі келмейді. Ол бойдақтың еркін өміріне үйренген. Филумена оның сұранысына түсіністікпен қарайды, кешіреді және шыдамдылықпен үйлену туралы ұсынысты күтеді. Бұл махаббат пен өз абыройын сақтау үшін қолдан келгеннің бәрін жасайтын әйел туралы қызық оқиғасы. 

«Менің ойымша, спектакль көрерменге қызық болады, өйткені әрбір әйел әлі күнге дейін әйелдік мәнін белгілейтін заңдар бойынша өмір сүруге тырысады. Бүгінгі күндегі өзекті тақырып. Қойылым атауы туралы ойландық. «Филумена Мартурано» Софи Лорен мен Марчелло Мастрояни ойнаған фильм арқылы таныс, бірақ бұл атау да көп нәрсені айқындамайды.  Содан кейін мен оның атауын пьеса мәтінінен алдым – «Өз заңымен өмір сүретін әйел». Мұндай атау көрерменнің есінде қалады деп ойлаймын», - деді Михаил Евгеньевич. 

«Өз заңымен өмір сүретін әйел» спектаклі М. Горький атындағы орыс драма театрында Астана қаласы, Желтоқсан көшесі, 13 мекенжайы бойынша өтеді.