Ол қазақстандық қауіпсіздік күштерінің ең танымал арнайы операциясына арналған. Онда 1992 жылғы ақпанда Қазақстанның оңтүстігінде болған оқиғалар бейнеленген. Сюжетте: екеуі өлім жазасына кесілген алты аса қауіпті қылмыскер теміржол арқылы Ресейге жеткізу кезінде қашып кетеді. Кейінірек біреуі ұсталып, ал қалған бесеуі автобусқа мініп, жолаушыларды кепілге алады. Қазақстандық милицияның арнайы жасағы адамдарды құтқаруға аттанады. Қызықты оқиға тәртіп сақшыларының қиын жағдайды шешудегі керемет күш-жігері мен іскерлігі туралы баяндайды.

/ Бұл операция Қазақстан Республикасы тарихындағы кепілге алынған адамдарды босатудағыалғашқы операция екенін атап өту керек: тарихнамада ол кепілге алынған жағдайда адамдарды босату жоспары алдын ала әзірленген атау «Набат» операциясы ретінде сипатталады. /

«Актерге әр рөл ерекше, сені белгілі бір қиындықты жеңуге белсендіреді. Әрине, берілген образды толық ашу үшін барлық кәсібилігіңді ортаға салып, жауапкершілікпен қарауға тырысасың. Сонымен қатар, бұл оқиғалар біздің еліміздің тарихында болған, менің ойымша, мұндай фильмдер көрерменге ерекше қажет. Менің кейіпкерім - КГБ полковнигі Дауенов, ол қылмыскерлермен келіссөздер жүргізді. Дереккөздерге сәйкес, келіссөздердің бір күнінде ол 6 келіден астам салмақ тастаған. Оған үлкен жауапкершілік жүктелді, бұл үлкен стресс. Егер кепілге алынған біреу жазатайым өлім құшса, оған тікелей жауапты болар едің. Актер ретінде маған оның тәжірибесін, мінезін жеткізу оңай болған жоқ. Біз керемет команда жинадық, режиссермен керемет жұмыс істелді. Ол осы арнайы операцияның тарихын терең зерттеді, сондықтан біз оның кеңестері мен нұсқауларын тікелей орындауға барымызды салдық. Кейде мен кейіпкерімді ашу үшін өз ұсыныстарымды айттым, бұл шығармашылық процесте мүмкін нәрсе», - деді Бақыт Қажыбаев.

Картина қызықты және эмоционалды жанр - экшн-фильм негізінде түсірілді. Актерлердің ойыны мен ойластырылған сюжет сол кездегі атмосфераға еніп, кейіпкерлерге деген жанашырлық сезім тудырады.

«Ең бастысы, бұл фильм нақты оқиғаларға, қызықты оқиғаға негізделген. Әрине, мен бұл оқиғаның көрерменнің жадында қалғанын қаладым. Менің ойымша, фильмді бәріне көрсетуге болады, ең бастысы, бұл фильмді мақтан тұтатымз. Өте жақсы, сапалы кино. Шынайы бағасын көрермен көріп, өзі бағалауы керек, бұл кино өнері адамдарды қалай біріктіре алатындығын, қарапайым адамдардың қайсарлығынан шабыт алып, оларға шынайы жанашырлық танытудың керемет мысалы. «Набат» операциясы кең аудиториямен үндесіп, әр көрерменге ұмытылмас әсер қалдыратынына сенімдіміз», - деп атап өтті «Қазақфильм» киностудиясының президенті Азамат Сатыбалды.

Картинаның қоюшы-режиссері Рашид Сүлейменов, ал композитор Ренат Әубәкіров болды. Кинокартинаға белгілі актерлер: Бақыт Қажыбаев, Алексей Шемес, Әйгерім Жүнісова және Сергей Быховтар қатысты.