Мұражайдың «Орыс өнері» залында суретшінің ерте Санкт-Петербург кезеңіндегі төрт туындысы бар: «Половецкий стан», «Қаһарлы», «Мехески – ай халқы» және «Алып аруКримгерд». Картиналар халықаралық көрмелерде - Санкт-Петербургте және Қазақстанның астанасы Астанада көрсетілді, деп хабарлайды мұражайдың баспасөз қызметі. 

Орталық Азиядағы ғылыми-зерттеу және өнер экспедициясының жетекшісі ретінде ол Шығыс пен оның мәдениетін зерттеп, жинақталған білімді картиналар мен кітаптарға енгізді. 1926 жылы суретші Қазақстанға барып, өзінің күнделіктерінде егжей-тегжейлі сипаттама қалдырды, кейінірек олар оның «Алтай-Гималай» саяхат очеркінің негізін қалады.

Сондай-ақ мұражайда «Н.К. Рерих. Мәдениет арқылы әлем» дөңгелек стөл өтіп, онда келушілер аттас стендтік көрмеде суретшінің өмірі мен қызметінің кезеңдерімен танысты.

Рерих Николай Константинович (9.10.1874 – 13.12.1947) – суретші, ғалым, саяхатшы, жазушы, қоғам және мәдени қайраткер, ойшыл. 7000-нан астам картина жасады. Бірқатар соборлардағы, шіркеулердегі (кескіндеме, мозаика) монументалды-декоративті жұмыстардың авторы, 20-дан астам театр қойылымдарына, оның ішінде С. Диагилевпен бірге «Орыс маусымы» қойылымдарына арналған декорациялар мен костюмдердің эскиздерінің авторы. Орталық Азияға ғылыми-зерттеу және көркемдік экспедицияларды басқарды. 1926 жылы Орталық Азия экспедициясы аясында Қазақстан аумағына барды. Нью-Йоркте бірнеше мәдени орталықтар, Үндістанда – «Урусвати» ғылыми-зерттеу институтын құрды. ХХ ғасырдың 30-жылдарында мәдениетті қорғау үшін Халықаралық қоғамдық қозғалысты басқарды. Рерих пактісі ретінде тарихқа енген мәдени құндылықтарды қорғау пактісінің бастамашысы. ХХ ғасырдың көрнекті мәдениет қайраткері.

Николай Рерих қазір де өзектігін жоғалпаған көптеген мәдени бастамалардың бас-қасында болған. Олардың ішінде мәдениеттің халық өміріндегі рөлі, мәдени нысандарды уақыттың маңызды және қажетті байланысы ретінде қорғау туралы халықаралық қозғалыс бар. Бұл қозғалыстың символы тарихы ежелгі дәуірге кететін ежелгі белгі – Әлем байрағы. Ол Азияның жұмбақ жартас суреттерінде, ғибадатханалардың суреттерінде, ескі шеберлердің суреттерінде, елтаңбалар мен эмблемаларда кездеседі. Барлық жерде оған ерекше қауіпсіздік мән берілді. Рерих пактісі мәдениетті қорғаудың заманауи халықаралық жүйесінің негізін қалады. 1935 жылы Пан-американдық одақ елдері Пактіге қол қойған күн – 15 сәуірде, әлем бойынша Халықаралық мәдениет күні ретінде атап өтіледі.

Көрме 2024 жылдың 30 сәуіріне дейін жалғасады.

Ә. Қастеев атындағы Қазақстан Республикасының Мемлекеттік өнер мұражайы 050040, Алматы, Көктем-3, 22/1,

Жұмыс уақыты: 10:00-18:00. Демалыс: дүйсенбі және айдың соңғы күні