«Сәлем» фестиваліне еліміздің танымал театрлары, сондай-ақ «Пантомим» Әзірбайжан мемлекеттік театры мен Түркияның Ыстамбұл мемлекеттік театры қатысты. Естеріңізге сала кетейік, мюзикл – музыкалық, драмалық, акробатикалық, хореографиялық өнерді біріктіретін музыкалық-театрлық сахналық жанр.

Биыл фестиваль Қазақстанның Халық жазушысы, Мемлекеттік сыйлықтың лауреаты, жазушы-драматург Сәкен Жүнісовтың 90 жылдығына арналды.

«Astana Musical» кейсінен: 2023 жылы «Astana Musical» шығармашылық ұжымы Оңтүстік Кореядағы Daegu International Musical Festival (DIMF) бас халықаралық мюзикл фестивалінің лауреаты атанды, оған әлемнің үздік ұжымдары шақырылады.

2016 жылы іргесі қаланған елордалық театр әртістері республикалық және халықаралық байқаулардың лауреаты. Театрдың көркемдік жетекшісі – белгілі режиссер Есләм Нұртазин.

«Astana Musical» театры көрермендерін әртүрлі және ерекше репертуарымен қуантады, онда әртүрлі қойылымдар, соның ішінде Daegu International Musical Festival (DIMF) фестивалінде үздік деп танылған «Роза Бағланова» мюзиклі бар. Репертуарда Р.Кунидің әйгілі «№13» комедиясы, «ҰБТ тапсырмаймын» драмасы, қазақ тіліндегі «Ромео мен Джульетта» және «Notre Dame de Paris» әлемдік шедеврлер мен «Сиқырға толы хор-концерт» тақырыптық музыкалық бағдарламасы бар.

Театр мекенжайы: Мәңгілік Ел даңғылы, 10\1