Жошы хан кесенесі Ұлытау облысында орналасқан.

Драмалық дастан алты сериядан тұрады. «Golden Horde» тарихи жобасының түсірілімі Қазақстан мен Түркия аумағында жүреді. Жобаның продюсерлік қызметін креативті директор Эмре Шахиннің жетекшілігімен Кarga Seven Pictures жүргізеді. Компания Netflix студиясына жасаған «Империя өркендеуі: Осман империясы» және «Өсиет: Мұса пайғамбар тарихы»ауқымды деректі драмаларды шығарумен танымал. Бұл туындылар әлемнің 90-нан астам елінде үздік 10 сериял қатарына енгізілген, деп атап өтті қорда.

«Karga Seven Pictures» өкілдері

«Жошы ханның өмір тарихы керемет эпикалық, ол бүкіл әлемнің көрермендері үшін үлкен қызығушылық тудыратыны сөзсіз. Осы ауқымды тарихи жобаны жүзеге асыру үшін Dara қорымен ынтымақтасу біз үшін үлкен мәртебе», - деді Эмре Шахин.

2024 жылы Жошы ұлысының құрылғанына 800 жыл толады. Жошы хан кесенесі Ұлытау облысында орналасқан. Тарихи драманы жасаушылар бұқаралық аудиторияға, қазақ халқының ұлы тарихын насихаттауға, халықаралық аудитория тарапынан Қазақстанға деген қызығушылықты арттыруға сенім артады.

Сонымен қатар мемлекеттілігіміздің тарихи тамыры ғасырлар тұңғиығынан бастау алғанын көрсететін айтулы мерейтой - Жошы ұлысының нақты құрылған кезеңінен бастап 800 жыл толуына орай үлкен зерттеу жұмыстары жүргізілді. Биыл Қазақстан тарихынан көп томдық дайындау аяқталады. Бұл 200-ден астам отандық ғалымдар мен 60-қа жуық шетелдік мамандар жұмыс істеген жан-жақты еңбек.

Сурет: daraqory.kz