Кештің маңызды сәттерінің бірі – негізгі номинациялар бойынша жеңімпаздарды жариялау. Белгілі режиссер Ардақ Әмірқұлов қойған «Жел тоқтаған жер» фильмі «Үздік драма» деп танылды. Бұл фильм 1930 жылдардағы ашаршылықтың ауыр тақырыбын қозғап, ұлттық трагедияның тереңдігін көрсетеді.

сурет: Vecher.kz / «Жел тоқтаған жер» фильмі/

«Үздік жанрлық фильм» номинациясында отандық шығармашыл режиссерлердің бірі Ернар Нұрғалиевтің «Өлсеңде есіңе түсір» криминалдық триллері жеңіске жетті. Бұл фильм өзінің стилімен және шиеленісті сюжетімен ерекшеленеді, ол көрерменді де, сыншыларды да бей-жай қалдырмады.

«Сыншылар таңдауы» сыйлығының тарихында алғаш рет көрермен көзайымына ие болған шығарма анықталды. Бұл марапатты   режиссер Мұрат Есжанның «Міржақып. Оян, қазақ!» тарихи драмасы жеңіп алып, көрермен арасында тарихи  тақырып пен сапалы отандық кинематографияға деген жоғары қызығушылық бар екені растады.

Бұдан бөлек кино түсірудің әртүрлі аспектілеріндегі жетістіктерді де ұмытылған жоқ. Мысалы, «Шәйнек сатып алған қыз» фильмі үшін Нариман Туребаев үздік режиссер атанса, актерлік шеберлік саласында Жанар Шоқпанова («Жел тоқтаған жер») мен Бақыт Қажыбаев («Міржақып. Оян, қазақ!») үздік ер мен әйел рөлі үшін марапатталды. Екінші пландағы үздік актриса ретінде Самал Еслямоваға («Кішкентай самурай») қошемет көрсетілді.

«Сыншылар таңдауы-2024» сыйлығы қазақстандық киноның әлемдік аренадағы маңыздылығын көрсетіп қана қоймай, оның одан әрі дамуы мен танымал болуына ықпал етеді. Марапаттау рәсімі Ұлттық кинодағы жаңа тенденциялар мен таланттарды айқындаған елдің мәдени өміріндегі маңызды оқиға болды.