Іс-шара барысында спикерлер Тараздың әлемдік мәдениеттегі рөлін, Ұлы Жібек жолында орналасқан қаланың ежелгі және ортағасырлық археологиясын зерттеу тарихын талқылады.Айша бибі кесенесі XI-XII ғғ.

 Қарахан кесенесі, XI ғасыр.

Сондай-ақ Қарахан және Айша-Бибі кесенесі сияқты республикалық маңызы бар мұралар тізіміне енген Жамбыл облысының тарихи-мәдени ескерткіштерінің тарихы мен аңыздары сөз болды. Бұл екі нысан ортағасырлық сәулет өнерінің інжу-маржаны ретінде Қазақстанның 100 киелі жеріне жатады. Айша-Бибі кесенесі ЮНЕСКО-ның Бүкіләлемдік мұра тізіміне кіргенжәне туристер мен зерттеушілер арасында өте танымал. Тараздың ежелгі сәулетшілерінің тағы бір маңызды туындысы – Х-XII ғасырларда осы аймақта билік құрған Қараханидтер әулетінен шыққан Қараханның ортағасырлық кесенесі.