«Жыл сайын «Астана Опера» Қарағандыға гастрольге келеді, бұл екі қаланың тығыз шығармашылық байланыстарына байланысты. Біз мұнда әрқашан үлкен қуанышпен өнер көрсетеміз. Өйткені, Қарағанды – бұл ірі индустриалды-өнеркәсіптік, ғылыми ғана емес, сонымен қатар еліміздің мәдени орталығы. Біздің бұл сапарымыз Е. Рахмадиев атындағыҚарағанды симфониялық оркестрінің 41-концерттік маусымын жабумен ерекшеленеді, бізбен бірге сахнаға керемет солистер - баритон Аян Төлеген мен тенор Мерей Қадырхан шығады», - деп атап өтті Ержан Дәутов.

Естеріңізге сала кетейік, «Астана Опера» бұл қалада осымен жетінші рет гастрольдік сапармен келді. Бұған дейін ұжым операның түрлі сахналарынан концерттік нұсқасын, сондай-ақ Гала-концерт, К. Орфтың «Кармина Бурана» кантатасын өнер көрсеткен. Қарағандыда Astana Opera халықаралық опера академиясының оқушылары алғашқы гастрольдерін бастады. «Астана Опера» спектакльдері әрдайым аншлагпен өтетіні таңқаларлық емес, бұл жолғы гастрольден дәстүрден жаңылған жоқ. Ұжым тыңдаушыларды өзінің кәсібилігімен, өнерге деген құштарлығымен және әлемдік музыкалық классиканың шедеврлерін керемет орындауымен таң қалдырады.

«Астана Опера» хоры - көптеген беделді халықаралық марапаттардың иегері, оның ішінде XI Қытай халықаралық хор фестивалінде алған алтын медалді, сондай-ақ өткен жылы «Хайнувка»(Польша) халықаралық байқауында жеңіп алған бірінші орынды атап өтуге болады. Әртістер байқауда жеңіске жетіп қана қоймай, гастрольдер аясында қазақстандық композиторлардың музыкасына үлкен жеке концерт берді.

Мекен-жайы: Қарағанды қ., Костенко к-сі, 7

Концерттің басталуы - 25 мамыр сағат 17:00