«Балдырған гид» экскурсиясы тәжірибелі гидтердің жетекшілігімен коллекциялар мен көрмелер туралы көбірек білуге мүмкіндік береді. ҚР Ұлттық музейінің кітаптарының тұсаукесерінде мәдени мұраның байлығын ашатын ғылыми жобалар шеңберінде шығарылған басылымдар ұсынылады.

«Өнерге қол тигізу» кескіндеме және мүсін шеберханалары әр қонаққа өзін нағыз суретші ретінде сезінуге мүмкіндік береді. Ал «Дана» жобасы аясындағы «Жан біткен экспонаттар» музей сабағы еліміздің тарихы мен мәдениетін білуге мүмкіндік береді.

«Кескіндеме және графика» үйірмесінің сабақтары тәжірибелі оқытушылардың жетекшілігімен көркемдік дағдыларды дамытудың бірегей мүмкіндігін ұсынады. Ал «Танымдық этнография»жобасы аясында «Тоғызқұмалақ» музей сабағы ұлттық ойындармен таныстырады.

ҚР Суретшілер Одағының мүшесі, «Тарлан» сыйлығының лауреаты, Польша Мәдениет министрлігінің стипендиаты, Қазақстан өнер академиясының корреспондент-мүшесі Рафаэль Слекеновтың «Тәңір нұры» жеке көрмесінің ашылу рәсімін және «Астана сазы» Қазақ мемлекеттік фольклорлық ансамблінің өнерін де өткізіп алмаңыз.

Сонымен қатар, қонақтарды мерекелік іс-шараның салтанатты ашылуы, Роза Бағланова атындағы «Қазақконцерт» мемлекеттік концерттік ұйымының концерттік бағдарламасы және қолөнершілер орталығындағы «Қолөнершілер жәрмеңкесі» күтеді.

«Дала кескіндемесі: рәміздер, бояулар, бейнелер» және «Ерлік тағзым - елдік белгісі» көрмелері келушілерге Қазақстан халқының өнері мен мәдениеті әлемін тамашалауға мүмкіндік береді.

Консервациялау және қалпына келтіру қызметінің мастер-кластарына, сондай-ақ мұражай қорынан белгілі тұлғалардың домбырасын жаңғырту бойынша «Қоңыр үн» дәріс-концертіне келіңіз.

«Жәдігерлер сөйледі» театрландырылған экскурсиясы және «Жұлдызды гид. 10 жұлдыз. 10 шедевр» жобасын өткізіп алмаңыз, олар «Музей түні» бізбен болғандарға есте қаларлық оқиға болуға уәде береді.

2024 жылғы 18 мамырда сағат 10:00-ден түн ортасына дейін ҚР Ұлттық музейінде елорданың ұмытылмас мәдени оқиғасы!

/ Мұрағаттық фотосуреттерді ҚР Ұлттық музейінің баспасөз қызметі ұсынды/