Маңғыстау облыстық әмбебап кітапхана Маңғыстау облыстық атқару комитетінің шешімімен 1973 жылы 23 тамызда ашылды.

Маңғыстау облыстық әмбебап кітапхана Маңғыстау облыстық атқару комитетінің шешімімен 1973 жылы 23 тамызда ашылды.

Бастапқы кітап қоры 19400 дана болды. 1980 жылдары кітапханалар желісі, әсіресе ауылдық кітапханалар дамыды, қор орталықтандырылды. 1973 жылы кітапханашылардың бір жылдық курстары ашылды. 1988 жылы Маңғыстау облысының жойылуына және Гурьев облысына қосылуына байланысты облыстық кітапхана №2 Гурьев облыстық кітапханасы деп атала бастады. Содан кейін үш облыстық кітапхана мен бір Маңғыстау облыстық әмбебап кітапханабіріктірілді. 1999 жылдан бастап кітапхана құрамына Зағип және нашар көретін азаматтарға арналған арнайы кітапхана кірді.

2002 жылдан бастап кітапхана жұмысына «РАБИС» кітапханалық бағдарламасы енгізіліп, электронды каталог жасалып, өлкетану әдебиетін цифрлық форматқа көшіру жұмыстары жүргізілді. Республиканың ұлттық электрондық кітапханасының қорында әлемнің 150-ден астам елінде қолданылатын өлкеміздің 430-дан астам ақындары мен жазушыларының шығармалары бар.

2014 жылы кітапхана сайты ашылды, онда оқуды насихаттау, оқырмандарды кітапхана қорымен таныстыру мақсатында кітапхана қызметі кеңінен жарияланады: виртуалды кітап көрмелері, оқырман конференциялары, акциялар, презентациялар, кездесулер және т. б.

2017 жылы кітапханаға әдебиеттанушы ғалым, ақын, филолог, зерттеуші Қабиболла Сыдиықовтың есімі берілді.

2021 жылы облыстық кітапхана жаңа ғимаратқа көшті. Мұнда кітапхана құрылымы кеңейіп, жаңа техника мен жабдықтар сатып алынды, оқырмандар үшін жақсы жағдайлар жасалды. Кітапханада 12 зал мен 9 бөлім, өнер секторы және коворкинг орталығы бар. Оқырмандардың білім беру, ақпараттық, мәдени және демалыс қажеттіліктерін қанағаттандыруға бағытталған түрлі қызмет түрлерін ұйымдастыру үшін кітапханада «Coworking», «Парасат жолы»орталықтары, түрлі клубтар мен үйірмелер жұмыс істейді.

Қазіргі уақытта кітап қоры 431 мың данадан астам кітаптардан, арнайы / түрлер мен мерзімді басылымдардан тұрады. Кітапхана 45 мыңнан астам оқырманға қызмет көрсетеді, оларға 350 мыңнан астам баспа басылымдары мен басқа да құжаттар беріледі.

Кітапхана барлық мәдени орталықтармен, оқу орындарымен, кәсіпорындармен, қала және облыс мекемелерімен тығыз байланыста жұмыс істейді. Кітапханада ай сайын түрлі іс-шаралар өткізіледі: облыстың танымал адамдарымен, жергілікті жазушылармен және ақындармен кездесулер, кітаптардың тұсаукесерлері, әдебиеттерді қарау, ақпарат күндері, маман күндері және т. б.

Кітапхана Облыстың 69 кітапханасының әдістемелік орталығы. Қызметкерлер үшін жыл сайын семинарлар, тағылымдамалар, конкурстар және басқа да әдістемелік іс-шаралар өткізіледі.

Кітап қоры - 431296,

Мемлекеттік тілде - 105981,

Балалар қоры - 88840, мемлекеттік тілде - 13240,

Электрондық басылымдар - 3297, қаз.тілінде - 1041,

Аудиовизуалды дана - 6037, каз.тілінде - 2325,

Карталар, ноталар, атластар және т. б. құжаттар - 91542, қаз.тілінде - 3681