Кітапхана тарихы 1936 жылдан басталады, ал 1946 жылдан Алматы облысы Фрунзе ауданының аудандық кітапханасы болып құрылды.

1949 жылы Алматы қаласы «Кіші станица» елді мекенінің ауылдық кітапханасы базасында Алматы облыстық кітапханасы болып өзгертілді. Кітапхананың бірінші мекен-жайы: Алматы қаласы, Малая Станица, Буденный көшесі, 30 үй, содан кейін Алматы қаласы Медеу ауданындағы Полетаев көшесі, 53 үйде орналасқан шағын ғимаратқа көшеді.

1953 жылдың наурыз айынан бастап Облыстық кітапхана Алматы облысының мәдениет бөліміне берілді.

1962 жылдың желтоқсанында Облыстық кітапхана Алматы облыстық шаруашылық кітапханасы болып өзгертіліп, облыстық ауыл шаруашылығы мәдениеті басқармасының құрамына енді.

1964 жылдың желтоқсан айынан бастап өнеркәсіп және ауыл шаруашылығы басқармасының бөлімдері қосылды, содан кейін кітапханаға «Алматы облыстық кітапханасы» атауы берілді.

Кітапхана аудандық кітапханалардың жұмысын үйлестіру және аудандық кітапханаларға жүйелі әдістемелік-практикалық көмек көрсету орталығына айналды. Алматы облысының кітапхана ісіне енген жаңашылдықтар, жетістіктер кітапханашылар тәжірибесінде бір-бірін алмастырды, өңірлік кітапхана қызметінің тәжірибесінде жұмыстың жаңа прогрессивті нысандарды айқындап, таратып, енгізді.

1964-1970 жылдар аралығында облыстағы кітапханалар саны бірнеше рет өзгерді. Алматы облыстық кітапханасы облыс тұрғындарын кітапхана қызметімен қамту бойынша облыстық семинарлар, конференциялар және басқа да іс-шаралар өткізді, олар республика көлемінде өтті.

1973 жылдың 1 қаңтарына Алматы облысы кітапханасының құрамына 450 көпшілік кітапхана кірді. Оның ішінде мемлекеттік жүйедегі кітапханалар саны - 425.

1978-1980 жылдары облыста орталықтандырылған кітапхана жүйесі құрылды. Кітап қоры 3 млн. 401 мың 302 дананы құрады. Алматы облыстық әмбебап ғылыми кітапханасы 1980 жылдары өткен бүкілодақтық семинарларға, конференцияларға, «Кітапхана және кітап саудасы», «Кітапхана және баспалар» іс-шараларына, зерттеулерге, таралымдарға, практикалық сабақтарға, «Жаппай кітапханалардың кітап өзегі» Бүкілодақтық зерттеу жұмыстарына белсенді қатысты.

Кітапханада ғылыми-техникалық ақпарат бөлімі (ҒТА), мәдениет, өлкетану және өнер секторлары ашылды.

1990 жылдары Алматы облысы бойынша «оңтайландыру» кезеңінде көптеген қалалық, аудандық, ауылдық кітапханалар жабылды, кітап қорлары, штат кестелері қысқартылды. Мемлекет тарапынан кітапханаларға, әсіресе кітап қорын толықтыруға бюджеттік қаражат қысқартылды.

Ол кезде Алматы облысы бойынша 55 кітапхана ғана жұмыс істеді.

1999 жылы балалар мен жасөспірімдерге арналған облыстық кітапхана қысқартылып, кітап қоры Алматы облыстық әмбебап ғылыми кітапханасына қосылды.

1999-2000 жылдары облыстық кітапханалар жаңа бағыттар бойынша жұмыс істеді. Кітапхана ісіне алғаш рет ақылы қызметтер енгізілді, кітапхана процестерін автоматтандыру және компьютерлендіру басталды. Алматы облыстық кітапханалары «Модельдік ауылдық кітапхана» жобасын енгізді, Іле аудандық кітапханасы алғашқылардың бірі болды.

«Кітапхана астанасы – 2001» Республикалық конференциясына белсене қатысты.

2003 жылғы 28 сәуірде облыстық әмбебап ғылыми кітапхана Алматы қаласынан Талдықорған қаласына ауыстырылып, «С. Сейфуллин атындағы Алматы облыстық кітапханасы» ММ мәртебесіне ие болды.

2022 жылдың желтоқсан айынан бастап «Алматы облыстық орталық әмбебап кітапханасы»КММ базасында жұмысын бастады.

Кітапхана қоры-316 238

Оның ішінде сирек басылымдар - 606. (орыс, ежелгі орыс, қазақ тілдерінде, сондай-ақ араб алфавитінде қазақ жазуы бар.)